సినిమాల ప్రపంచంలోకి రావాలనుకుని అవకాశాల్లోకే మిగిలిపోయే టాలెంట్ ఉన్నవాళ్లు చాలానే ఉన్నారు. కొత్తవాళ్లకు అవకాశాలు వచ్చే మార్గం కనపడదు.ఎవరో కానీ పెద్ద నిర్మాతలను కలిసి ఆఫర్స్ పట్టుకునే అవకాసం దొరకదు. కేవలం ప్రతిభ మాత్రమే కాదు, కొంచెం అదృష్టం కూడా కలిసినప్పుడు మాత్రమే ఆ ‘ఒకే ఒక్క ఛాన్స్’ అవకాశాలు నిజానికి పనికొచ్చేలా మారతాయి.
అందుకే కొందరు తమ టాలెంట్‌ను నిరూపించుకోవటానికి ఎప్పుడూ కొత్త ప్రయత్నాల్లో ఉంటారు. ఇలాంటి వారికి షో టైం అనే రియాలిటీ షో వేదికగా మారబోతోంది.
ప్రఖ్యాత నిర్మాత అనిల్ సుంకర మల్టీ క్రాఫ్ట్ ఫిల్మ్ మేకింగ్ రియాలిటీ షో “షో టైం” ని ఆవిష్కరించారు. ఈ షోలో సినిమాలకు చెందిన అన్ని విభాగాల్లో – రైటర్, యాక్టర్, డైరెక్టర్, ఆర్ట్ డైరెక్టర్, మ్యూజిక్ డైరెక్టర్, సింగర్ – ప్రతి ఒక్కరికీ తమ ప్రతిభను చూపే అవకాశం ఉంటుంది.
ఏటీవీ ఒరిజినల్స్ భాగస్వామ్యంతో రూపొందిన ఈ షోలో పాల్గొనడానికి, ఆసక్తి ఉన్నవారు తమ ప్రొఫైల్‌ను ఇమెయిల్ ద్వారా సమర్పించాలి. సెలెక్ట్ అయినవారికి షోలో ప్రత్యక్షంగా తన ప్రతిభను ప్రూవ్ చేసుకునే అవకాశం దొరుకుతుంది.
ఇండస్ట్రీకి టాలెంటెడ్ కొత్తవాళ్లను కనుగొని అందించడమే అనిల్ సుంకర లక్ష్యం అని చెప్తున్నారు. ఇటీవల దిల్ రాజు కూడా ‘దిల్ రాజు డ్రీమ్స్’ అనే ప్రోగ్రామ్ ప్రారంభించి, అన్ని క్రాఫ్ట్స్‌లో అవకాశాలు అందిస్తున్నాడు. కొత్తవాళ్లు రంగంలోకి అడుగుపెడితే, ఆ కొత్త ప్రతిభల ద్వారా అద్భుతమైన కథలు, సినిమాలు, విజువల్ ట్రీట్స్ మనకు లభిస్తాయి.
షో టైం ఒక వేదికగా, సినిమా రంగంలోకి అడుగు పెట్టాలన్న కల కలిగిన వారిని తాము ఎవరో, ఏం చేయగలరో చూపించడానికి అవకాశం ఇస్తుంది. టాలెంట్ ఉన్నవారికి ఒకే సారి, సాక్సెస్ కోసం కొత్త మార్గం కావచ్చు.
సినిమా రంగంలోకి అడుగు పెట్టాలన్న కల కలిగినవారు – ఒక అవకాశం కోసం ఎదురుచూస్తున్నారా? షో టైం ఆ వేదిక!
